Foydalanish shartlari

1. Xizmat

FastSell — kompaniyalar uchun CRM: mahsulotlar, buyurtmalar, kuryerlar hamda kelishuv asosida ishlaydigan operator va targetologlar bilan ishlash tizimi. Ads bo'limi targetologlarga Facebook/Instagram lid-formalari va o'z saytidan kelgan lidlarni FastSell oqimiga yoki o'z tizimiga avtomatik yuborish imkonini beradi. Market rejalashtirilgan yo'nalish bo'lib, bu shartlarga kirmaydi.

2. Hisob va xavfsizlik

• —Ro'yxatdan o'tishda to'g'ri ma'lumot kiritasiz va telefon raqamingizni SMS kod bilan tasdiqlaysiz.
• —Parolni boshqalarga bermaysiz; hisobingizdagi amallar uchun o'zingiz javobgarsiz.
• —Tizim xavfsizligini buzishga yoki boshqa kompaniyalar ma'lumotlariga kirishga urinmaysiz.
• —Mijozlar ma'lumotlarini qonuniy asosda yig'asiz va ishlatasiz.

3. Tariflar va bepul muddat

• —Tariflar, narxlar va cheklovlar saytdagi «Tariflar» bo'limida ko'rsatiladi.
• —Saytdan ro'yxatdan o'tgan yangi kompaniya Start tarifida 30 kun bepul ishlaydi.
• —Bepul muddatdan keyin xizmatdan foydalanish uchun tarif narxi to'lanadi. To'lov avtomatik yechib olinmaydi.

4. Ads bo'limi (Facebook, Instagram, sayt)

• —Facebook akkauntini faqat o'zingizga tegishli yoki boshqarishga huquqingiz bor sahifa va reklama akkauntlari bilan ulaysiz hamda Meta platformasi qoidalariga amal qilasiz.
• —Lid-formada mijozdan ma'lumotlarini qayta ishlashga rozilik olish va ularni qonuniy asosda ishlatish targetologning vazifasi.
• —Kelishuvdagi offer oqimiga yuborilgan lidlar cheklanmaydi. Targetologning o'z tizimiga (webhook) yuborilgan lidlar tanlangan tarifning oylik limiti bo'yicha hisoblanadi; limit tugasa lidlar yo'qolmaydi va tarif yangilanganda yoki yangi oyda yuboriladi.
• —Uchinchi tomon xizmatlaridagi (Meta, Telegram, targetologning tashqi tizimi) nosozlik sabab lid kechikishi mumkin; bunday lidlar navbatda saqlanib, qayta yuboriladi.

5. O'zgarishlar va to'xtatish

• —Narxlar o'zgarishi mumkin; o'zgarish joriy to'langan davr tugaganidan keyin kuchga kiradi.
• —Texnik ishlar yoki uchinchi tomon xizmatlaridagi (SMS, server) nosozlik sabab xizmat vaqtincha to'xtashi mumkin.
• —Shartlar buzilsa, hisob to'xtatib qo'yilishi mumkin. Siz istalgan vaqtda foydalanishni to'xtatib, hisobni o'chirishni so'rashingiz mumkin.

6. Qo'llaniladigan qonunchilik

Bu shartlar O'zbekiston Respublikasi qonunchiligiga muvofiq tartibga solinadi.